Cov tub ceev xwm ntes neeg tsis muaj ntawm nyob tebchaw Meskas (ICE) tau mus ntes cov neeg Esxia tawg rog coob heev. Daim vev xaib no muaj kev pabcuam thiab los teb cov lus nug uas feem ntau cov tib neeg Qhab Meem, Nplog, thiab Nyab Laj muaj txog kev raug xa rov qab. Daim ntawv no yuav tsis muab lus tawm tswv yim txog kev cai lij choj rau tib neeg. Yog koj yog ib tug pej xeem nyob hauv lub xeev California xav tau kev pab los ntawm kws lij choj txog kev raug xa rov qab, thov hu rau Asian Law Caucus ntawm 415-896-1701 lossis siv peb daim foos no. Yog koj tsis nyob hauv California no, thov mus rau hauv National Immigration Legal Services Directory.
Kev Pabcuam rau Cov Tib Neeg Hauv Zej Zog
Kev Pabcuam los Ntawm Asian Law Caucus
- Guide to California Pardons
- Guide to Filing Lawsuit to Request Release from Indefinite Immigration Detention (Zadvydas Habeas Guide)
- Post-Order Custody Review Guide
- Guide to Requesting Records
- From Prison to ICE to Freedom: A Handbook for Immigrants Inside by ALC and Asian Prisoner Support Committee
- Guide for Chhoeun Class Members: Cambodians With Final Orders of Removal
- Know Your Rights: Guide for Community Members With Deportation Orders
Kev pabcuam los ntawm cov Koos Haum Sis Koom Tes
- SEARAC: Resource Guide for Southeast Asian Americans Facing Criminal Deportation
- MN8: Know Your Rights Resources in English, Khmer, Hmong, and Vietnamese
- Clemency Coalition of California: Clemency Advocacy Guide
Kev xa rov qab rau cov neeg Esxia Tawg rog los ntawm ICE nyob li cas lawm
Cov lus hauv daim ntawv no tsuas hloov yog thiab thaum muaj kev hloov yog Trump rov qab tswj tebchaw Mekas zaum thib ob.
Qhab Meem: Nom tswv nyob rau hauv Qhab Meem tebchaw tau kos npe rau daim ntawv pom zoo xa lawv cov tib neeg rov qab (repatriation agreement) nrog tebchaws Asmeskas xyoo 2002. Txij thaum ntawm los, ntau tshaj 1,000 tus tib neeg tau raug xa rov qab mus rau Qhab Meem Tebchaw. Kev xa tib neeg rov qab muaj ntau dua txij thaum lub caij nplooj zeeg xyoo 2017,
Ua ntej Asmeskas rov qab muab vixaj rau cov nom tswv qib siab uas yog Qhab Meem, lawv yuam tsum ua raws li cov lus ob tog pom zoo txog kev xa lawv cov tib neeg rov qab (US deportation policy). Ua ntej Nom tswv Qhab Meem muab daim ntawv tso cai rau tib neeg hla tebchaws, lawv yuav tsum mus xam phaj. Ua ntej muaj tus kab mob loj (pandemic), txhua xyoo Asmeskas cov tub ceev xwm ntes cov neeg tsis muaj ntawv nyob tebchaw Meskas (ICE) siv lub sijhawm thaum cov nom tswv Qhab Meem tuaj xam phaj lawv cov neeg uas muaj ntaub ntawv raug xa rov qab nyob rau hauv tsev ntes neeg nyob hauv tebchaw Asmeskas. Txij thaum tus kab mob loj pib, nom tswv Qhab meem siv kev xam phaj hauv koos piv tawb, vim li ntawm kev ntes neeg tsawg dau lawm. Muaj li 1,700 tus Qhab Meem muaj ntawv xa rov qab tawm tebchaw Asmekas.
Lub tsev hais plaub muab daim ntawv txiav txim thoob tebchaw Asmeskas hais tias Asmeskas cov tub ceev xwm ntes cov neeg tsis muaj ntawv nyob tebchaw Meskas (ICE) no yuav tsum xa ib daim ntawv ceeb toom mus rau cov neeg Qhab Meem ob vam thib ua ntej lawv rov mus ntes lawv. Yog koj yog ib tug uas tau txais daim ntawv raug xa rov qab tab sis lawv hom tso koj tawm nkuaj thiab koj yeej ua raws li cov lus tswj thaum koj tawm, koj tsim nyog muaj npe nyob rau hauv rooj plaub sib foob (class action). Mus nyeem ALC’s community advisory on the permanent injunction.
Nplog Teb: Tebchaws Nplog tsis muaj daim ntawv pom zoo xa neeg rov qab mus rau tebchaws qub nrog Tebchaws Meskas. Raws li keeb kwm, Tebchaws Nplog yeej tsis kam muab daim ntawv tso cai mus txawv tebchaws rau cov neeg raug xa rov qab. Nyob rau lub Rau Hli Ntuj xyoo 2025, Tebchaws Meskas tau muab ib feem kev txwv tsis pub mus los rau Tebchaws Nplog thiab txiav tsis pub qee tus neeg Nplog txais vixaj ntxiv vim nyob ntev dhau sijhawm ntawm daim vixaj thiab txoj kev tsis koom tes nrog txoj cai xa rov qab mus ntawm Tebchaws Meskas. Tsoom fwv Nplog yeej tau muab cov ntawv tso cai mus txawv tebchaws rau ib co neeg vim Tebchaws Meskas ib sij nias. Muaj ntau tshaj 4,800 leej neeg uas ICE suav tias yog pej xeem ntawm Tebchaws Nplog thiab lawv muaj kev txiav txim kom raug xa rov qab mus tab sis tseem nyob hauv Tebchaws Meskas. Cov lej no suav nrog cov Hmoob, cov Mien, thiab lwm haiv neeg tsawg hauv zej zog.
Nyab Laj: Tebchaws Nyab Laj kos npe rau daim ntawv pom zoo xa neeg rov qab mus rau tebchaws qub nrog Tebchaws Meskas xyoo 2008. Daim ntawv pom zoo ntawd hais tseg tias Tebchaws Nyab Laj tsuas muab daim ntawv tso cai mus txawv tebchaws rau cov neeg uas tuaj rau Tebchaws Meskas txij Lub Xya Hli Ntuj Tim 12, 1995 los xwb, uas yog hnub uas rov tsim kho kev sib raug zoo ntawm ob lub tebchaws ntawm tebchaws Nyab Laj thiab Tebchaws Meskas. Tom qab lawv kos npe rau daim ntawv pom zoo xyoo 2008, Tebchaws Nyab Laj tau tso cai rau qee tus neeg tsiv tebchaws “tom qab 95” tau txais daim ntawv ncig tebchaws, tab sis tsis kam tso cai rau cov neeg tsiv tebchaws “ua ntej 95”. Thaum Tus Thawj Tswj Hwm Trump tau ua thawj coj xub thawj, Tebchaws Meskas pib nias kom Tebchaws Nyab Laj lees txais cov neeg tsiv tebchaws "ua ntej 95". Thaum lub Kaum Ib Hlis Ntuj Xyoo 2020, Tebchaws Nyab Laj thiab Tebchaws Meskas tau kos npe rau ib daim ntawv pom zoo tshiab uas tsim cov txheej txheem rau cov neeg tsiv tebchaws "ua ntej 95" uas raug xa rov qab mus. Ua ntej xyoo 2025, Tebchaws Nyab Laj feem ntau tsuas muab qee daim ntawv tso cai mus txawv tebchaws rau cov neeg "ua ntej 95" tsawg tsawg xwb txhua xyoo. Txawm li ntawd los, thaum lub sijhawm Thawj Tswj Hwm Trump tau los ua tus thawj coj zaum ob, ICE (Chaw Tswj Xyuas Neeg Nkag Tebchaws) tau pib rov qab ntes thiab xa cov neeg ua ntej xyoo 1995 rov qab mus rau Tebchaws Nyab Laj kom ntau dua li yav dhau los.
Muaj ntau tshaj 8,600 cov neeg Nyab Laj, cov neeg Montagnard, thiab lwm haiv neeg tsawg uas muaj kev txiav txim kom raug xa rov qab mus nyob rau Tebchaws Meskas. Nrhiav cov kev pab cuam ntxiv rau cov neeg tsiv Tebchaws Nyab Laj uas tau tuaj rau Tebchaws Meskas ua ntej xyoo 1995.
Lus Nug thiab Lus Teb
Paub Koj Cov Cai
Thaum Twg ICE thiaj li muaj cai nkag los rau kuv lub tsev?
Cov tub ceev xwm saib kev nkag tebchaws tsis muaj cai nkag rau koj hauv lub tsev yog tias lawv tsis muaj “daim ntawv tso cai nkag los (warrant).” Daim ntawv tso cai nkag los no yog ib daim ntawv los ntawm tsev hais plaub. Feem ntau, ICE iab liam hais tias daim ntawv kos npe los ntawm cov tub ceev xwm xa neeg rov qab yeej zoo ib yam li daim ntawv kos npe tso cai los ntawm tus xam txiav txim hais plaub.
Daim ntawv no tsis tso cai rau lawv nkag rau hauv koj lub tsev yog koj tsis tso cai. Nws tseem ceeb heev uas tag nrho cov tibneeg hauv koj lub tsev paub hais tias tsis txhob qheb qhov rooj rau ICE. ICE tsuas nkag tau rau hauv koj lub tsev yog leej twg tso cai rau lawv nkag. Yog koj qheb qhov rooj, lawv yuav suav hais tias koj tso cai rau los ces lawv yuav thawb lub qhov rooj nkag los.
Yog xav paub ntxiv, thov mus rau hauv Know Your Rights with ICE los ntawm Immigrant Defense Project.
Kuv yuav ua li cas yog ICE nyob ntawm kuv lub qhov rooj?
Hu rau rapid response network hauv koj lub zej zog: https://www.ccijustice.org/carrn. Tsis txhob qheb koj lub qhov rooj. Ua ntej yuav qheb qhov rooj, nug seb lawv tuaj ntawm lub koos haum twg tuaj. Cov tub ceev xwm ICE feem ntau dag tias lawv yog pus li. Nug seb lawv puas muaj daim ntawv tso cai nkag los thiab kom lawv muab daim ntawv swb hauv qab qhov rooj cev los rau koj. Kuaj seb tus tub ceev xwm ntes neeg xa rov qab yog tus kos npe los yog tus xam txiav txim hauv tsev hais plaub.
Koj tuaj yeem luam tau daim ntawv npav qhia rau cov tub ceev xwm ICE tias lawv tsis muaj cai nkag los rau hauv koj lub tsev thiab koj tsis xav nrog lawv sib tham. Cov npav no muaj txhais ua lus Askiv, Qhab Meem, Hmoob, thiab Nyab Laj.
Yuav ua lis cas yog tias ICE nyob sab nraum kuv lub tsev tos ntsoov?
ICE muaj txo cai ntes tau koj yog koj nyob sab nraum koj lub tsev tsis tham yuav muaj daim ntawv tso cai ntes koj los ntawm tus xam txiav txim hauv tsev hais plaub. Feem tau, ICE nyob tos ntawm ib tog kev kom txog thaum cov tibneeg mus ua haujlwm los ntes lawv. Yog tias koj raug ICE ntes ntawm ib tog kev, koj muaj cai tsis teb lawv cov lus nug thiab koj muaj txoj cai kom lawv nrhiav ib tug kws lij choj los rau koj nrog tham. Yog tias koj ib tug phooj ywg lossis tsev neeg raug ICE ntes, hu rau Rapid Response Network hauv koj lub zej zog tam sim ntawd.
ICE hu xov tooj lossis xa ib tsab ntawv tuaj nug kom kuv mus kuaj ua ntej lub sijhawm teem tseg. Qhov ntawm yuav zoo li cas?
Qees zaum ICE yeej rov teem cai kuaj dua, tej zaum qhov no yuav txhais tau tias lawm yuav npaj ntes koj. Hu tau rau Asian Law Caucus ntawm 415-896-1701 rau kev lub qhia txog kev cai li choj thiab cov lub qhia hloov tshiab seb puas muaj kev tawm tsam tshwm sim rau lwm qhov.
Cov Lus Nug Ua Feem Ntau Muaj
Kuv yug nyob rau hauv qhov chaw ua neeg tawg rog los nyob xws li Thaib Teb, Hong Kong, lossis Philippines. Kuv puas yog xeem xam ntawm lub tebchaw ntawd?
Tsis yog. Cov tebchaws no lawv tsis cia li muab xeem xam rau koj vim koj yug nyob rau hauv lawv lub tebchaw.
Kuv puas tuaj yeem raug xa mus rau Qhab Meem Teb, Nplog Teb, lossis Nyab Laj Teb yog tias kuv tsis yog yug ntawm lawv lub tebchaws ntawd?
Tebchaw Qhab Meem yeej suav hais tias koj yog xeem xam txawm koj yug nyob rau hauv qhov chaw tibneeg tawg rog nyob. Txoj cai lij choj hauv tebchaw Nplog tsis suav hais tias koj yog xeem xam yog koj tawm lawm lub tebchaw ntev tshaj li xya xyoo uas lawv tsis tau tso cai.
Kuv muaj daim ntawv raug xa rob qab. Kuv yuav ua npaj li cas?
Koj yuav tsum mus luam kom tau koj cov ntawv thaum koj nkag tuaj rau tebchaws no thiab koj cov ntaub ntawv raug txim thiab mus nrog koj tus kws lij choj tham thiab saib xyuas koj cov ntaub ntawv. Nrhiav ntaub ntawv ntxiv txog kev mus tshawb koj cov ntaub ntawv. Koj tuaj yeem npaj phiaj xwm nyiaj txiag thiab kev ua niam ua txiv yog tias koj raug kaw. Nrhiav cov ntaub ntawv qhia txog yuav ua li cas thiaj tsim tau cov phiaj xwm ua niam ua txiv. Yog xav paub ntxiv, thov mus saib peb daim ntawv qhia txog kom Paub koj Txoj Cai rau Cov Tswb Cuab Hauv Zej Zog nrog Kev Txiav Txim Raug Xa Rov Qab.
Kuv puas tuaj yeem rov qhib tau kuv rooj plaub?
Tejzaum. Cov cai nkag tebchaws hloov tas mus lis. Koj yuav tsum mus rho koj cov ntaub ntawv thiab kom tus kws lij choj paub txog jev nkag teb chaws los tshuaj xyuas. Yog xav paub ntxiv, thov saib peb qhov Paub koj txoj cai rau Tswb Cuab Hauv Zej Zog nrog Kev Txiav Txim Raug Xa Rov Qab.
Yog Lawv Tshem Tawm Kuv Qhov Raug Txim, Nws Puas Yuav Pab? Es kev zam nes?
Feem ntau, qhov kev tshem tawm no yuav tsis pab npaum li cas tsuas pab qee rooj plaub. Yog lawv tshem tawm koj qhov kev raug txim tej zaum nws yuav pab tau. Yog koj muaj kev raug txim hauv lub xam me, tej zaum tus tswj xeeb hauv koj lub xeev yuav zam txim tau rau tej yam raug txim. Yog koj muaj kev raug txim hauv lub xam loj, yuav tsum yog tus thawj tswj hwm hauv tebchaws Asmekas. Txoj kev zam txim no nws txawm deb heev ib lub xeev dhau ib lub xeev. Koj mus nrhiav tau ntaub ntawv txog cov txheej txheem los ntawm kev zam txim hauv koj lub xeev. Yog koj nyob hauv California, koj mus nyeem tau ntxiv txog kev zam txim hauv Asian Law Caucus kev lus qhia.
Yuav ua li cas yog ICE ntes kuv?
Yog ICE ntes koj, hais kom ib tug neeg hauv koj tsev neeg lossis ib tug phooj ywg tam sim ntawd hu rau Rapid Response Network kom lawv nrhiav kev pab hnub ntawd.
Yog ICE ntes koj tus phooj ywg lossis ib tug neeg hauv koj tsev neeg thiab raug xa mu rau ICE qhov chaw kaw neeg hauv California, hu tau rau Asian Law Caucus 415-896-1701 kom tau kev pab txog txoj cai.
Kuv muaj daim ntawv raug xa rov qab. Kuv puas mus thov tau daim ntawv tso cai ua haujlwm, daim npav social security, thiab daim ntawv tsav tsheb?
Yog koj raug kev saib xyuas thiab mus kuaj thiab ntsib nrog ICE, koj yeej mus thov tau daim ntawv tso cai ua haujlwm. Koj siv tau daim ntawv tso cai ua haujlwm mus ua daim npav social security.
Nyob ntawm lub xeev uas koj nyob yuav txiav txim seb koj puas yuav siv tau daim ntawv tso cai ua haujlwm mus thov daim ntawv tsav tsheb lossis npav ID.
Yog xav paub ntxiv, thov mus saib daim ntawv Applying for a Work Permit guide.
Kuv tsis muaj daim ntawv xa rov qab tab sis tam sim no lawv tam tom ua ntaub ntawv xa kuv rov qab. Kuv yuav txiav txim li cas?
Koj yuav tsum mus tham nrog koj tus kws lij choj txog qhov teeb meem no. Koj mus nrhiav tau ib tug kws lij choj ua haujlwm txog kev nkag teb chaws hauv National Immigration Legal Services Directory. Tsis tas li ntawm koj mus tham nrog Southeast Asian Resource Action Center's (SEARAC) guide for resources and background information.