ធនធាន ALC សម្រាប់ប្រជាជនកម្ពុជាដែលមានសាលក្រមសម្រេចស្តីពីការនិរទេស

អ្វី: បណ្តឹងនេះត្រូវបានដាក់ប្តឹងកាលពីឆ្នាំ 2017 ជាតំណាងអោយពលរដ្ឋកម្ពុជាទាំងអស់ ដែលមានដីកានិរទេស ហើយត្រូវបានដោះលែងពីការឃុំខ្លួនរបស់ U.S. Immigration and Customs Enforcement (ICE) ប៉ុន្តែក៏ត្រូវបានឃុំឡើងវិញ ឬអាចត្រូវបាន ICE ឃុំឡើងវិញដើម្បីនិរទេសចេញទៅកម្ពុជា។

ហេតុអ្វី: គោលបំណងនៃបណ្តឹងនេះ គឺដើម្បីទាមទារឲ្យ ICE ផ្តល់ការជូនដំណឹងជាមុនទៅសមាជិកក្រុម មុនពេលឃុំខ្លួនពួកគេឡើងវិញ។ លក្ខខណ្ឌនៃបណ្តឹងនេះ យើងមានបំណងឱ្យសមាជិកក្រុមទទួលបាន នូវការជូនដំណឹងជាមុន និងព័ត៌មានមួយចំនួនដល់សមាជិកថ្នាក់ មុនពេលមានការឃុំខ្លួនឡើងវិញ ដើម្បីស្វែងរកជម្រើសផ្លូវច្បាប់របស់ពួកគេយ៉ាងពេញលេញ ដើម្បីការពារពីការនិរទេស។

កិច្ចព្រមព្រៀងក្នុងក្រុមចំណាត់ថ្នាក់ គឺជាកិច្ចព្រមព្រៀងរវាងភាគីដើម្បីដោះស្រាយ និងបញ្ចប់សំណុំរឿង។ ដំណោះស្រាយបណ្តឹងមាន ផលប៉ះពាល់ដល់បុគ្គលម្នាក់ៗដែលស្ថិតនៅក្នុងស្ថានភាពដូចគ្នា ទោះបីជាមិនមាន ឈ្មោះជាក់លាក់ នៅក្នុងបណ្តឹងជាដើមបណ្តឹង ឬភាគីក៏ដោយ ក៏នឹងទទួលបានអត្ថប្រយោជន៍ពី កិច្ចព្រមព្រៀងដូចគ្នា។

អ្នកអាចជាសមាជិកក្រុមChhouen ដែលមានសិទ្ធិទទួលបានលក្ខខណ្ឌនៃកិច្ចព្រមព្រៀងនេះ ប្រសិនបើអ្នកស្ថិតក្នុង ក្រុមណាមួយនៅក្នុងក្រុមទាំងពីរខាងក្រោមនេះ៖

ក្រុមទី ១ (សមាជិកថ្នាក់បច្ចុប្បន្ន)

• ជាពលរដ្ឋកម្ពុជាដែលរស់នៅក្នុងសហរដ្ឋអាមេរិក
• ដែលបានទទួលដីកានិរទេស ឬបញ្ជាដកចេញ និង
• អ្នកដែលត្រូវបានដោះលែងពីការឃុំឃាំងអន្តោប្រវេសន៍ មុនពេលកិច្ចព្រមព្រៀងដោះស្រាយត្រូវបាន តុលាការអនុម័តជាផ្លូវការនៅថ្ងៃទី 27 ខែមេសា ឆ្នាំ 2026។

ក្រុមទី ២ (សមាជិកថ្នាក់នៅពេលអនាគត)

• ជាពលរដ្ឋកម្ពុជាដែលរស់នៅក្នុងសហរដ្ឋអាមេរិក
• ដែលបានទទួលដីកានិរទេស ឬបញ្ជាដកចេញ និង
• អ្នកដែលកំពុង ឬនឹងត្រូវបានដោះលែងពីការឃុំឃាំងអន្តោប្រវេសន៍ ក្នុងរយៈពេលបីឆ្នាំបន្ទាប់ពីថ្ងៃទី 27 ខែមេសា ឆ្នាំ 2026 (ថ្ងៃដែលតុលាការបានអនុម័តជាផ្លូវការលើកិច្ចព្រមព្រៀងដំណោះស្រាយ)។

បច្ចុប្បន្ននេះ យើងរំពឹងថាមនុស្សប្រមាណ 1,300 នាក់ដែលនៅទូទាំងប្រទេស គឺជាសមាជិកថ្នាក់បច្ចុប្បន្ន (ក្រុម 1)។ សមាជិកក្រុមអាចត្រូវបាន ICE ឃុំខ្លួនពីមុនតាំងពីច្រើនឆ្នាំ ឬរាប់ទសវត្ស៍ កន្លងមកហើយ ដោយផ្អែកលើការកាត់ទោសពីមុន។

ការដោះស្រាយនេះតម្រូវឲ្យ ICE ក្នុងរយៈពេល ៦ ខែ បន្ទាប់ពីការអនុម័តរបស់តុលាការលើការដោះស្រាយ បណ្តឹងសមូហភាពនៅថ្ងៃទី 27 ខែមេសា ឆ្នាំ 2026 ត្រូវផ្ញើសេចក្តីជូនដំណឹងព័ត៌មានមួយដងតាមប្រៃសណីយ៍ ទៅកាន់សមាជិកថ្នាក់បច្ចុប្បន្នទាំងអស់ (“ក្រុម 1”)។ ក្រុម 1 រួមមានពលរដ្ឋកម្ពុជាទាំងអស់ដែលគិតត្រឹមថ្ងៃទី 27 ខែមេសា ឆ្នាំ 2026 ដែលមានដីកាបណ្តេញចេញ និងធ្លាប់ត្រូវបានដោះលែងពីការឃុំឃាំងអន្តោប្រវេសន៍ ពីមុន។ សេចក្តីជូនដំណឹងដែលតម្រូវឱ្យមាននេះ ជាការរំលឹកដល់សមាជិកថ្នាក់ថាពួកគេស្ថិតក្រោម ដីកាសម្រេចស្តីពីការបណ្តេញចេញ ហើយនឹងផ្តល់ព័ត៌មាន អំពីរបៀបដែលសមាជិកថ្នាក់អាចស្វែងយល់ថា តើពួកគេមានជម្រើសផ្លូវច្បាប់ណាខ្លះ ដើម្បីការពារពីការបណ្តេញចេញ។ ជាពិសេស សេចក្តីជូនដំណឹងនេះ ពន្យល់អំពីអ្វីដែលជា “motion to “reopen” (សំណើសុំបើកសំណុំរឿងឡើងវិញ) នៃដីកានិរទេស និងផ្តល់ព័ត៌មានអំពីអង្គការដែលផ្តល់សេវាផ្លូវច្បាប់ឥតគិតថ្លៃ។

ICE ក៏ត្រូវបានតម្រូវឲ្យផ្តល់ច្បាប់ចម្លងនៃឯកសារពាក់ព័ន្ធពីសំណុំឯកសារអន្តោប្រវេសន៍របស់សមាជិកថ្នាក់ ជាមួយនឹងសេចក្តីជូនដំណឹង ដែលអាចជួយឲ្យសមាជិកថ្នាក់ស្វែងរកការប្រឹក្សាផ្លូវច្បាប់ ថាតើការដាក់សំណើ “សុំបើក” សំណុំរឿងឡើងវិញនៃដីកាបណ្តេញចេញរបស់ពួកគេអាចធ្វើទៅបានឬអត់។ ICE ត្រូវបានតម្រូវឲ្យផ្ញើ ច្បាប់ចម្លងនៃសេចក្តីជូនដំណឹងរបស់សមាជិកថ្នាក់បច្ចុប្បន្នម្នាក់ៗ និងឯកសារពាក់ព័ន្ធពួកគេ ទៅកាន់មេធាវីថ្នាក់ នៅ Asian Law Caucus។ ប្រសិនបើអ្នកជាសមាជិកថ្នាក់បច្ចុប្បន្ន ហើយមិនបានទទួលសេចក្តីជូនដំណឹងទេ អ្នកអាចទាក់ទង Asian Law Caucus តាមអ៊ីមែល cambodiasettlement@asianlawcaucus.org ដើម្បីស្នើសុំច្បាប់ចម្លងបាន។

សម្រាប់រយៈពេលបីឆ្នាំខាងមុខ ICE ក៏ត្រូវបានតម្រូវឲ្យផ្តល់សេចក្តីជូនដំណឹងព័ត៌មានស្រដៀងគ្នា ដល់ពលរដ្ឋកម្ពុជាដែលទទួលបានដីកានិរទេសក្រោយថ្ងៃទី 27 ខែមេសា ឆ្នាំ 2026 (“ក្រុម 2”) នៅពេលដែលពួកគេត្រូវបានដោះលែងពីការឃុំឃាំងអន្តោប្រវេសន៍។ ICE មិនតម្រូវឲ្យផ្តល់ឯកសារចំម្លង ពីសំណុំឯកសារអន្តោប្រវេសន៍របស់បុគ្គលនោះ ជាមួយនឹងសេចក្តីជូនដំណឹងសម្រាប់ក្រុម 2 ទេ។

ការដែលសមាជិកថ្នាក់ម្នាក់ទទួលបានសេចក្តីជូនដំណឹងជាព័ត៌មាន មិនមានន័យថា ICE មានផែនការ ក្នុងការឃុំខ្លួន ឬបណ្តេញសមាជិកថ្នាក់នោះភ្លាមៗទេ។

ICE ត្រូវផ្ញើសេចក្តីជូនដំណឹងជាព័ត៌មានដូចដែលបានពិពណ៌នាខាងលើទៅកាន់សមាជិកថ្នាក់ក្រុម 1 ក្នុងរយៈពេល ៦ ខែ បន្ទាប់ពីថ្ងៃទី 27 ខែមេសា ឆ្នាំ 2026 ជាថ្ងៃដែលតុលាការបានអនុម័តជាផ្លូវការលើការ ដោះស្រាយនេះ។ សមាជិកថ្នាក់ក្រុម 1 រួមមានពលរដ្ឋកម្ពុជាទាំងអស់ដែលមានដីកានិរទេស ឬដីកាបណ្តេញចេញ និងបានត្រូវដោះលែងពីការឃុំឃាំងរបស់ ICE គិតត្រឹមថ្ងៃទី 27 ខែមេសា ឆ្នាំ 2026។

ICE ត្រូវផ្តល់សេចក្តីជូនដំណឹងព័ត៌មានទៅកាន់សមាជិកថ្នាក់ក្រុម 2 ពេលពួកគេត្រូវបានដោះលែងពីការឃុំឃាំង អន្តោប្រវេសន៍។ សមាជិកថ្នាក់ក្រុម 2 រួមមានពលរដ្ឋកម្ពុជាទាំងអស់ដែលទទួលបានដីកានិរទេសថ្មី ហើយត្រូវបានដោះលែងពីការឃុំឃាំងរបស់ ICE នៅពេលណាមួយក្នុងរយៈពេលបីឆ្នាំបន្ទាប់ពីថ្ងៃទី 27 ខែមេសា ឆ្នាំ 2026 ដែលជាថ្ងៃដែលតុលាការបានអនុម័តជាផ្លូវការលើការដោះស្រាយនេះ។

ពិតណាស់ វានឹងផ្លាស់ប្តូរ។ បច្ចុប្បន្ន ICE ត្រូវបានតុលាការតម្រូវតាមដីកាបញ្ជាឆ្នាំ 2020 ឲ្យផ្តល់សេចក្តីជូនដំណឹង ជាមុនរយៈពេលពីរសប្តាហ៍ មុនពេលឃុំខ្លួនឡើងវិញដល់សមាជិកថ្នាក់ដែលបានគោរពតាមលក្ខខណ្ឌនៃ ការត្រួតពិនិត្យរបស់ពួកគេ ចាប់តាំងពីថ្ងៃនៃការដោះលែងពីការឃុំឃាំង។ សេចក្តីជូនដំណឹងមួយដងដែលតម្រូវ តាមការដោះស្រាយនេះ នឹងជំនួសសេចក្តីជូនមុនការឃុំខ្លួនជាមុនរយៈពេល ពីរសប្តាហ៍នេះ។

ទោះជាយ៉ាងណា លក្ខខណ្ឌដែលតម្រូវឲ្យ ICE ផ្តល់សេចក្តីជូនដំណឹងមុនរយៈពេលពីរសប្តាហ៍ នឹងនៅតែមានសុពលភាព រហូតដល់ ICE បានផ្ញើសេចក្តីជូនដំណឹងជាព័ត៌មានដែលតម្រូវតាមការដោះស្រាយនេះ ទៅកាន់សមាជិកថ្នាក់ទាំងអស់ក្នុងក្រុម 1 រួចរាល់។ នៅពេលនេះ យើងមិនគិតថាវានឹងកើតឡើងរហូត ដល់ចុងខែមិថុនា ឆ្នាំ 2026 ទេ។ រហូតដល់ពេលនោះ ប្រសិនបើអ្នកមានការណាត់ជួបពិនិត្យជាមួយ ICE (ICE check-in) នាពេលខាងមុខ អ្នកមានសិទ្ធិទទួលបានសេចក្តីជូនដំណឹងជាមុនរយៈពេលពីរសប្តាហ៍ (មានន័យថា អ្នកមិនបានរំលោភលើលក្ខខណ្ឌនៃការត្រួតពិនិត្យរបស់អ្នក ចាប់តាំងពីការដោះលែងដំបូងពីការឃុំឃាំងរបស់ ICE) ហើយមិនទាន់បានទទួលសេចក្តីជូនដំណឹងជាលាយលក្ខណ៍អក្សរពីរសប្តាហ៍ជាមុន នោះវាអាចមាន ប្រយោជន៍ក្នុងការយកច្បាប់ចម្លងនៃដីកាតុលាការដែលតម្រូវឲ្យមានផ្តល់សេចក្តីជូនដំណឹងជាមុនពីរសប្តាហ៍ ទៅជាមួយអ្នកនៅពេលទៅជួបជាមួយICE  ។ អ្នកគួរតែទាក់ទង Asian Law Caucus (ALC) តាមលេខ 415-897-1701 ប្រសិនបើអ្នកជឿថា អ្នកត្រូវបានឃុំខ្លួនឡើងវិញ ដោយរំលោភលើលក្ខខណ្ឌនៃសេចក្តី ជូនដំណឹងមុនរយៈពេលពីរសប្តាហ៍។

ប្រសិនបើអ្នកមានទំនាក់ទំនងជាមួយ អង្គការមិនរកប្រាក់ចំណេញដែលជួយសមាជិកសហគមន៍ ដែលទទួល បានការជូនដំណឹងពីរសប្តាហ៍នេះ សូមទាក់ទងមកយើងខ្ញុំតាមអាសយដ្ឋាន cambodiasettlement@asianlawcaucus.org សម្រាប់ការណែនាំអំពីការគាំទ្រដល់បុគ្គល និងគ្រួសារដែល បះពាល់។

នៅក្នុងរឿងក្តីជាក្រុមមួយ តុលាការតែងតាំងអ្នកតំណាងក្រុម និងមេធាវីឱ្យធ្វើការលើសំណុំរឿង និងតំណាង ឱ្យផលប្រយោជន៍របស់សមាជិកថ្នាក់ទាំងអស់។ Asian Law Caucus and Sidley Austin, LLP ត្រូវបានតែងតាំងជាទីប្រឹក្សាសំរាប់ក្រុម ដើម្បីតំណាងឱ្យសមាជិកក្នុងក្រុមទាំងអស់។

ទីប្រឹក្សាថ្នាក់នឹងតំណាងឱ្យអ្នក ក្នុងនាមជាសមាជិកនៃថ្នាក់ក្នុងសំណុំរឿង Chhoeun ។ អ្នកមិនចាំបាច់បង់ប្រាក់ ដល់អ្នកប្រឹក្សាថ្នាក់ទេ។ ទោះជាយ៉ាងនេះក្តី អ្នកប្រឹក្សាថ្នាក់មិនមែនជាតំណាងឱ្យអ្នកសំរាប់ករណីអន្តោប្រវេសផ្ទាល់ ខ្លួនរបស់អ្នកទេ។ ប្រសិនបើអ្នកចង់ឱ្យមានមេធាវីកំណត់ជម្រើសផ្លូវច្បាប់របស់អ្នកផ្ទាល់ខ្លួន អ្នកអាចជួលមេធាវី ដោយចំណាយផ្ទាល់ខ្លួនរបស់អ្នក។ សម្រាប់ធនធានបន្ថែម សូមមើល ផ្នែកអង្គការច្បាប់ខាងក្រោម។

ប្រសិនបើអ្នកមានសំណួរ អ្នកអាចទាក់ទងមេធាវីរបស់សមាជិកថ្នាក់តាមរយៈ៖

ទូរស័ព្ទ៖ (415) 896-1701

អ៊ីមែល៖ cambodiasettlement@asianlawcaucus.org

ប្រអប់សំបុត្រ៖
Chhoeun Class Counsel
Asian Law Caucus
55 Columbus Avenue
San Francisco, CA 94111

មគ្គុទ្ទេសក៍សំរាប់សមាជិកថ្នាក់ Chhoeun ផ្តល់ព័ត៌មានសំខាន់ៗសម្រាប់សមាជិកសហគមន៍ដែលមាន ដីកានិរទេស ដើម្បីស្វែងរកជម្រើសផ្លូវច្បាប់របស់ពួកគេ។ វារួមបញ្ចូលទិដ្ឋភាពទូទៅនៃបណ្តឹង និងកិច្ចព្រមព្រៀង របស់ករណី Chhoeun ជំហានបន្ទាប់ដើម្បីប្រឈមនឹងការនិរទេសតាមរយៈចលនាបើកសំណុំរឿងឡើងវិញ ការរៀបចំសម្រាប់ការប្រាស្រ័យទាក់ទងជាមួយ ICE និងឧបករណ៍អនុវត្តជាក់ស្តែងដូចជាបញ្ជីត្រួតពិនិត្យ និងធនធានសម្រាប់ ការគាំទ្រ។ មគ្គុទ្ទេសក៍នេះត្រូវបានរចនាឡើងដើម្បីជួយបុគ្គល និងក្រុមគ្រួសារក្នុងការស្វែង រកជម្រើសផ្លូវច្បាប់ ដើម្បីការពារពីការនិរទេស និងទទួលបានព័ត៌មានថ្មីៗ និងការត្រៀមខ្លួន។

បន្ថែមពីលើព័ត៌មាននេះ ការណែនាំរួមមានៈ

• ព័ត៌មានអំពីរបៀបរៀបចំសម្រាប់នៅពេលមានការទាក់ទងពី ICE ការឃុំខ្លួន និងការនិរទេស
• បញ្ជីត្រួតពិនិត្យសម្រាប់ឯកសារ និងការត្រៀមលក្ខណៈក្នុងករណីបន្ទាន់
• ធនធានសំរាប់ការវិលចូលនៅក្នុងប្រទេសកម្ពុជា
• ការណែនាំអំពីរបៀបដែលសមាជិកគ្រួសារ និងសហគមន៍អាចគាំទ្រមនុស្សជាទីស្រឡាញ់របស់ពួកគេ។

បន្ថែមពីលើការណែនាំ យើងបានរៀបចំវីដេអូជាច្រើនដែលផ្តល់ព័ត៌មានបន្ថែមជាភាសាអង់គ្លេស និងភាសាខ្មែរ ដែលមាននៅក្នុង Vimeo និងខាងក្រោម។

បន្ថែមពីលើការណែនាំ អង្គការជាច្រើនបានចាប់ដៃគូជាមួយយើងក្នុងការគាំទ្រកិច្ចខិតខំប្រឹងប្រែងសហគមន៍ ទាក់ទងនឹង Chhoeun ។ ក្រុមទាំងនេះ ក្នុងចំណោមក្រុមផ្សេងទៀត អាចបម្រើជាធនធានដ៏មានតម្លៃ សម្រាប់ស្វែងយល់បន្ថែម អំពីសេវាកម្ម និងជំនួយដែលមាន៖

ទូទាំងប្រទេស

Southeast Asia Resource Action Center (SEARAC)

• គេហទំព័រ: https://searac.org/
• លេខទូរស័ព្ទ: 202-601-2960 (Washington, D.C.), 916-400-3240 (Sacramento)

Southeast Asian Freedom Network (SEAFN)

• គេហទំព័រ: https://www.seafn.org/

រដ្ឋកាលីហ្វញ៉ា (CALIFORNIA)

Asian Prisoner Support Committee (APSC)

• គេហទំព័រ: https://www.asianprisonersupport.com/
• លេខទូរស័ព្ទ: 510-396-8930

Center for Empowering Refugees and Immigrants (CERI)

• គេហទំព័រ: https://www.cerieastbay.org/
• លេខទូរស័ព្ទ: 510-444-1671

Empowering Marginalized Communities (EMAC) Stockton

• គេហទំព័រ: https://www.emacstockton.org/
• ទម្រង់ទំនាក់ទំនង: https://www.emacstockton.org/contact/

New Light Wellness

• គេហទំព័រ: https://www.newlightwellness.org/
• ទម្រង់ទំនាក់ទំនង: https://www.newlightwellness.org/contact

រដ្ឋម៉ាសាចូសេ (MASSACHUSETTS)

Asian American Resource Workshop (AARW)

• គេហទំព័រ: https://www.aarw.org/
• ទម្រង់ទំនាក់ទំនង: https://www.aarw.org/contact-us

រដ្ឋមីណេសូតា (MINNESOTA)

MN8

• គេហទំព័រ: https://minnesota8.org/
• ទំនាក់ទំនង:  https://minnesota8.org/get-help/

រដ្ឋ រ៉ូដ អាយឡិន ( RHODE ISLAND)

Providence Youth Student Movement (PrYSM)

• គេហទំព័រ: https://www.prysm.us/
• ជួបផ្ទាល់៖ រៀងរាល់ថ្ងៃពុធ ចាប់ពីម៉ោង 10-4 រសៀល @ 807 Broad Street, បន្ទប់លេខ  301-305, Providence, RI
• ខ្សែទូរស័ព្ទការពារការនិរទេស:  (401) 675-1414
• ទម្រង់សាកសួរតាមអ៊ីនធឺណិត: https://www.prysm.us/rice

រដ្ឋតិចសាស់ (TEXAS)

Woori Juntos

• គេហទំព័រ: https://woorijuntos.org/
• អាសយដ្ឋានអ៊ីមែល: info@woorijuntos.org

រដ្ឋវ៉ាស៊ីនតោន (WASHINGTON)

Khmer Anti-Deportation and Advocacy Group (KhAAG)

• គេហទំព័រ: https://www.khaagwa.org/
• ទម្រង់ទំនាក់ទំនង: https://www.khaagwa.org/contact.html

ដូចដែលបានពន្យល់នៅក្នុងសៀវភៅណែនាំសមាជិកថ្នាក់ ឈឿន សមាជិកថ្នាក់មួយចំនួន (ប៉ុន្តែមិនមែនទាំងអស់) អាចមានហេតុផលផ្លូវច្បាប់ ដើម្បីបើកករណីអន្តោប្រវេសន៍របស់ពួកគេឡើងវិញ និងជំទាស់នឹងដីកាដេញចេញរបស់ពួកគេ ដោយសារតែព័ត៌មានថ្មី។  អង្គការខាងក្រោមអាចអាចជួយ សមាជិកក្នុងថ្នាក់ជាមួយនឹងចលនាដើម្បីបើកឡើងវិញ ឬជំនួយសង្គ្រោះផ្សេងទៀតក្រោយការកាត់ទោស ដែលអាចជាមូលដ្ឋានសម្រាប់ចលនាដើម្បីបើកសនុំរឿងឡើងវិញ។

មុននឹងទាក់ទងទៅអង្គការស្របច្បាប់ទាំងនេះ សមាជិកថ្នាក់ត្រូវបានលើកទឹកចិត្តឱ្យស្នើសុំឯកសារអន្តោប្រវេសន៍ និងកំណត់ត្រាឧក្រិដ្ឋកម្មពាក់ព័ន្ធរបស់ពួកគេជាមុនសិន (ដូចមានចែងក្នុងសៀវភៅណែនាំសមាជិកក្រុមឈឿន) ប្រសិនបើពួកគេមិនទាន់មានច្បាប់ចម្លងរួចរាល់ទេនោះ។ មេធាវីនឹងត្រូវការកំណត់ត្រាទាំងនោះ ដើម្បីស្វែងយល់ថា តើមានហេតុផលផ្លូវច្បាប់ណាមួយដែលអ្នកប្រហែលជាអាចប្រើដើម្បីតស៊ូជាមួយនឹងដីកានិរទេសបស់អ្នក។ អ្នកអាចស្វែងរកវីដេអូ និងធនធានបន្ថែមសម្រាប់ការស្នើសុំកំណត់ត្រានៅក្នុងទីតាំងនេះ។

ទូទាំងប្រទេស

National Immigration Legal Services Directory

• គេហទំព័រ: https://www.immigrationadvocates.org/legaldirectory/
• អ្នកអាចស្វែងរកតាមលេខកូដតំបន់ ឬមជ្ឈមណ្ឌលឃុំឃាំង ហើយកំណាត់តាមផ្នែកនៃជំនួយផ្នែកច្បាប់ ភាសា និងចំនួនប្រជាជនដែលបានបម្រើ។

គម្រោង Habeas (The Habeas Project)

• ផ្តោតលើ៖ សេវាតំណាងផ្លូវច្បាប់ដែលមានតម្លៃទាប សម្រាប់ habeas (ដោះលែងពីការឃុំឃាំង) និងសំណើសុំបើកសំណុំរឿងឡើងវិញ
• គេហទំព័រ៖ https://www.thehabeasproject.com

រដ្ឋកាលីហ្វញ៉ា (CALIFORNIA)

Asian Law Caucus (ALC)

• ផ្តោតទៅលើ៖តំណាងចលនាដើម្បីបើកឡើងវិញ និង habeas (ការដោះលែងពីការឃុំឃាំង) សម្រាប់បុគ្គលដែលបច្ចុប្បន្នរស់នៅក្នុងរដ្ឋកាលីហ្វ័រញ៉ា ហើយមានការផ្តន្ទាទោសនៅរដ្ឋកាលីហ្វ័រញ៉ា និងមានដីកានិរទេសទៅប្រទេសកម្ពុជា ឡាវ ឬវៀតណាម។
• របៀបទាក់ទង: https://www.asianlawcaucus.org/get-help

គម្រោងអន្តោប្រវេសន៍នៃរដ្ឋកាលីហ្វ័រញ៉ា (California Immigration Project)

• ផ្តោតទៅលើ: ការវាយតម្លៃសិក្សាដើម្បីចលនាបើកឡើងវិញ និងតំណាងសម្រាប់បុគ្គល ដែលមានចំណូលទាបដែលរស់នៅក្នុងរដ្ឋកាលីហ្វ័រញ៉ា រួមទាំងបុគ្គលដែលត្រូវបានឃុំខ្លួននាពេល បច្ចុប្បន្ន។
• របៀបទាក់ទង: សូមទាក់ទង (916) 241-3355 សម្រាប់ការពិគ្រោះយោបល់

រដ្ឋម៉ាសាចូសេទ (MASSACHUSETTS)

Asian Outreach Center of Greater Boston Legal Services

• ផ្តោតទៅលើ៖ ការណែនាំបន្តផ្លូវច្បាប់ និងធនធានសម្រាប់បុគ្គលដែលមានប្រាក់ចំណូលទាប ដែលរស់នៅក្នុងតំបន់ Greater Boston និងមានកាត់ទោសនៅរដ្ឋម៉ាសាចូសេទ (Massachusetts) និង មានដីកានិរទេសទៅប្រទេសកម្ពុជា ឡាវ ឬវៀតណាម។
• របៀបទាក់ទង: ទូរស័ព្ទទៅបណ្តាញសារជាសំឡេងរបស់យើង 617.603.1809 ដើម្បីស្នើសុំជំនួយផ្នែកច្បាប់។

រដ្ឋអូរីហ្គិន  (OREGON)

អង្គភាពអេក្វីធី ខបស៍ នៃរដ្ឋអូរីហ្គិន (Equity Corps of Oregon)

• ផ្តោតលើ៖ សេវាផ្លូវច្បាប់ផ្នែកអន្តោប្រវេសន៍សម្រាប់បុគ្គលដែលមានចំណូលទាប និងរស់នៅក្នុងរដ្ឋ អូរីហ្គិន រួមទាំងសំណើសុំបើកសំណុំរឿងឡើងវិញ
• របៀបទាក់ទង៖ https://equitycorps.org/enroll/

រដ្ឋវ៉ាស៊ីនតោន (WASHINGTON)

Northwest Immigrant Rights Project (NWIRP)

• ផ្តោតទៅលើ៖ សេវាច្បាប់អន្តោប្រវេសន៍សម្រាប់បុគ្គលដែលមានចំណូលទាប ដែលរស់នៅក្នុងរដ្ឋវ៉ាស៊ីនតោន រួមទាំងចលនាការបើកករណីឡើងវិញ។
• របៀបទាក់ទង: https://nwirp.org/get-help/

Seattle Clemency Project

• ផ្តោតទៅលើ៖ ជំនួយក្រោយការកាត់ទោស និង habeas
• របៀបទាក់ទង:  https://www.seattleclemencyproject.org/intake